ADVERTISEMENT

This area is available for advertisement. Please contact for details.

Arnivang
Get Adobe Flash player

EU lapen US pen kelang dun atum aphan kilik ahut Mayanmar hangji

0RANGOON: Jangmi achikli kilik ahut EU lapen US pen kelang dunji aphan monit nnagtoi dun non pusi inut US atekela pachini. Kai ateng pulote Mayanmar ke isi kachebengchek adet, laso adet alam kaprek aphan pachinine, kerap anta amena chari le deng dun longle pulote dengde.
         Jangmi achiklo kilik along Mayanmar democracy kemang ajalinpi Aung San Suu Kyi ta cheto dunji, ningkan isi aphrang ke sangpi aphan chari pen ahem along amat kebeng ningkan 20 plengkai.
        Nichi adet atum pen Mayanmar aphuthak meh-lang kethonthe ajok chokam amo me-o-e. Nichi adet atum pen kachepame athe ke chingkichethan pen mai along kangni dun longji aphan. Mayanmar along kedo kheiso klempar atum do-an penta chari pen kachingki si ke-ong lo.
        Nichi adet atum aphan Mayanmar kilik palang dun longji puke saihem pen pachetakte lang, seta det 10 chingrum amei Association of Southeast Asian Nations (ASEAN) pen kapachetak along kapachini ke det isi pen bangpho, parliamentarian banghini lapen pherangke atum aphan nangtoi dun ra nangpalang duntha pusi ningje.
         Rangoon US tekela asaihem pen kapachetak ateng ke kelang dunji aphan Washington aphan ta pha lo pusi ningje. Jongsi lason ahok pulote Mayanmar aphan chokam amo kebeng-kephan ke jum nangpo.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives