ADVERTISEMENT

This area is available for advertisement. Please contact for details.

Arnivang
Get Adobe Flash player

Donsir Rongpi akeso kajinso pen EM Raton Ingti kerap dun

IMG_1625Diphu: Bokolia Patradisa Sar-et Singnar arong amekar Dilip Rongpi pen Rupa Ingtipi asopo Donsir Rongpi arta ningkan 4 a-ok kangduk kekang akeso kacholong lok ajok apei apo kisung pen chechak nanglo. Jo parni adap kamatha pen arni thonlo. Bonta aning kachehai un-eh tovar cholang dingde detsi keso kepameji aphan Guwahati Rongsopi an ponlo. Doctor atum kethan atengke Hernia akeso pusi pachini. A-oso arta chiklo jon13 kepleng ahut kemeji aphan ning chethesi api apo atum operation asai padenglo. Operation det jat-et aphi Guwahati rongsopi pen hem chevanlo pen malomso apor an keso melo, bonta aphi keso kachipur thudet ajok api apo kamatha an sose sung lo. Lapu laben amat a-oso nongke ningkan 4 nangpleng tanglo. Bonta keso abang me me lang. Keso a-oso mate Donsir Rongpi abang lang kachinglu bom ahut men-men inut a pherangke theklok pen aphi labangso akeso alam birta aloh pen Karbi Anglong atok ano adim ingdang damlo. Donsir akeso birta aloh pen kangdang ajok KAAC EM i/C PWD Raton Ingti kerap dunji aphan chisik dunlo. Atumi tongsekot EM Ingti asangho tangka Suri pho kerap pajir dunlo. Labangso atangka Thekar a pherangke aridengsi EM ke pajir dun lo. Pherangke atum Patradisa ahem athekup an pale damsi kisung kepho vek Donsir api apo arideng pajir damlo. EM Ingti non kevangji keso kachelangji along ta kacherap dunji aphan chechak.
        Lasonsi kaprek kethe kethe kiding atum ta laso a oso aphan seh kelang along kacherap dunji aphan api-apo atum tovar cholang. Jongsi kerap longle pulote keso kelangji aphan tangka ave. Donsir apo pherangke  atum aphan kethan ke Ingti akehai kerap nang kipi apot kurvangthu lo. Laso atangka pangrumbom pensi mo tangka pleng lo pulote la ansi seh langdam thekji athe aprang ahut ta keram-kerong pen ta lak hini bak damjui pusi chethan.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives