ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 2 All India Police Commando kachepate kijut

DSC03666Diphu: Assam Rifles chepatirpisi Diphu rongsopi along kedo Assam Rifles Traning Centre & School along There achiklo niphai 11 arni pen kepangcheng ingdeng hini All India Police Commando kachepate atumi pajutlo. Kachepate kepado atheke pirthe along okchumpran asong nangbat olo. Lasi lahai ok chumpran aphan kosonsi kepavir thekjima lapen raikom saikhi ajakong kosonsi kepabat thekjima aphuthaksi lapuson kachepate asai denglo. Laso kachepate along India detpi angkang arlo kaprek-kaprek alongri along kedo Central Police Organization pen State Police Organization pangrum pet bitung 22 nangchepate dunlo. Kachepate atumi kapadusi arni adap porphai 9:00 apor pensi sai angdeng pangchenglo. Kijutsi sai angdeng along kachopha alohi sarpo aman pen Special Director IB Yashovardhan Azad chetong dun. Raikom saikhi atum angdi angdon kedam pen kardom pajirsi alangliphan man peng pilo. Police Commando kachepate along nangkachepate dun raikom saikhi atum an sose jakong-horang lapen bidi sore longsi ok chumpran atum aphan pavir thek po pusi ning thelo lapen kado kave aphanta hirjume nangpilo pusi kachetong dun alohi sarpo Yashovardhan Azad ningje. Puthot laso kachepate esek hile ke-up pen danglok kaprek-kaprek kachepate along kechengsi anong-eh kelong dun ke Assam Rifles, adunthu anong-eh kelong dun ke Rajasthan lapen kapadusi anong-eh kelong dun ke Maharastra. Alanglitum aphan alohi sarpo lapen Brigadier Lakhan Pal atum arideng pensi nong-eh pen Medal pajir dunlo. Kepadusi arni alir acham kepadoji aphan kevan Manipur alongri along kedo Rajib Gandhi Cultural & Dance Academy Troup atumsi ason-ason kepaklang pen Ingdeng 2 All India Police Commando kachepate ingsam jin pen pajutlo. 

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives