ADVERTISEMENT

This area is available for advertisement. Please contact for details.

Arnivang
Get Adobe Flash player

Chiklo 1 aprang pen kapangji angnar kithi

IMG_0008Kheroni: Pirthe along marat-mareng api aphanta monit atum kanghon pi nangji puke govt. atumsi aron kirip mate alam kapaklang lo. Lasi nampi-namdur ajo kedo marat-mareng aphan kelang chari nangji ke Forest department atum hen lo. Hamren Sub Division angkang Southern Range Kheroni arlo kedamtang arui malom achiklo ejon akeng keso pen kapangji a ingnar konatne pen vanglo, amat akeng keso ajok chedamthu un-e detsi Kheroni Range Forest ingnam ajo atumi anarlo porphai 11:50 apor seh lang bom ahut thi lot.
       Kithi lot a ingnar arta ningkan (30), ajon kiding ft.10 ta haiji, kithi lot a ingnar aphan post mortem asai keklem ahut achethok pen hele amu mu 4 long. Kheroni Southern Range angnam ajo ejon areng keso a ingnar do pura kedamtang Thangthang niphai 21 arni Dr. Bijoy Dutta lapen Kosol Sharma atum vangsi Langmepi adung seh lang tekanglo. Aphithu Thangthang niphai 26 aningve ajo Maimaro ahavar angnam damjui lo. Bangso aphi Thangthang niphai 27 adap ingnam raikom asaikhi atum seh lang dam thulo lapen WTI pen Dr. Anthony Phangcho aphan ta hang detsi ni 15 Maimaro ahavar along areng keso angnar aphan seh palang lo. Bangso aphi There niphai 14 arni areng keso a ingnar inghan langjang along janglut. Areng keso ingnar inghan langjang along klo thur theklongsi kora an kevanji aphan Crank a gari hum 2 vansi kora an vanlo pusi Ranger Dhonsing Terang pherangke aphan pachini.
      Bonta kopai kelangno ajok areng keso a ingnar atumi adap seh langbom ahut thi lot lo puta pherangke aphan Ranger Terang asangho pachini thu.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives