ADVERTISEMENT

This area is available for advertisement. Please contact for details.

Arnivang
Get Adobe Flash player

Hidim Teron alongta So-arlo kehai arni talon

0Diphu: Somindar angkang along pachingri dun pen Manja Hidim Teron along ta atumi narlosini so-arlo kehai arni mate International Women’s Day talon dun pusi ladak birta nangpale. International Women’s Day katalon kenangsot lapen katalonver nangji alam kachetong alohi atum pensi chethan chemum. International Women’s Day talon nangji pu alam USA adetpi pensi nangkapangcheng. 1909 aningkan Thangthang achiklo America Socialist asong pensi so-arlo atum akemang kachehang pangcheng. 1908 aningkan bang 15000 armu New York City arongsopi along So-arlo atum vote kejok long ajakong, sai keklem anam chingbar nangji pu kehang pasarning lo. Kachesong rem-rem hai-hai angbong 1911 aningkan pensi International Women’s Day talon pangcheng. Kechengsi katalon along Austria, Denmark, Germany lapen Switzerland adetpi atum chelang dunlo. International Women’s Day katalon angkur kapachesakji aphan UNO pen 1975 aningkan puthot International Women’s Day katalonverji arni hok pamelo. So-arlo aphan manpeng kipiji aphan nonke Afghanistan, Armenia, Azerbaijan, Belarus, Burkina, Faso, Cambodia, China, Cuba, Georgia, Guinea-Bissau, Laos, Ukrain, Nepal, Russia heihui adetpi along Sorkari asaihem anta kangkir asai padolo.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives