ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu rongbong kapajui pen Das aphan rongkangsam along me-an kipi; Mekkri-mek-lang pen Das aphan arong kethon

IMG_1478Diphu: Karbi Anglong aser athan, Karbi ajutang-jubat abe ke-ot alammetpo Basanta Das aphan atumi Diphu rongsopi angbong kapajui pensi Diphu rongkangsam along arong thon dam. Karbi ajutang-jubat kaparengji aphan karekroktok alammetpo Das aphan me-an kipi along Asom Sahitya Sabha a Meiphu Rongbong Terang, Lam Arjan kaselam akiripo Sher Chudhury, Karbi alam arjan kaselam ahemai Dhaniram Tisso, Asom Sahitya Sabha a rap chunbang Pari Rongpi, Karbi Cultural Society a meiphu Chandrasing Kro, chunbang Sai Sing Rongpi pen chenglok oveban ovemi a alammetpo, Karbi Anglong Autonomous Council  P.H.E a E.M Bidyasing Rongpi, District Elementary Education Officer Arun Teron, Karbi Anglong Autonomous Council a Principal Secretary Dr. B.N Sharma pen chenglok penang an arleng kethe atum chetong. Rongkangsam palele aphrang Karbi alam arjan apuru kapangcho lammetpo Das aphan Diphu rongsopi angbong Truck pen pajui si rongkangsam pale. Diphu rongsopi along Karbi ajutang kalana abangphu Das aphan Karbi Anglong District Mohila Samiti, Diphu Baruari Mondir, Diphu Club, Diphu Lekhika Samaru, Rangsina Bhavan Diphu Sahitya Sabha, Diphu Sankardev Bidya Niketan, Pherangke Nogan Bora lapen Member’s Hostal adung aningphan aning kedok amonit atum mir apu pen chepadi dun. Kithi arve charsi thor Das aphan akele kachinghon arat Rongkangsam along anta pale dun rinti. Mai along lam kaningje haihe alammetpo Das asopo Bedanta Das arideng pensi Das athengthak me pacho. Hydarabad along kam keklembom Bedanta Guwahati pen adap nangpale si asarbura aphan me-an pilo. Basanta Das kithi ke Asom lammet chot tong kanahok kali Karbi akhei aphan le kanahok thenai lo. Lammet kaboche anchot kali lamkan, lamjir, temo, temoso lapen Karbi alam arjan kasonse kelak le anokbe pusi me-an kipi along kachetong arleng kethe atum kimo dam. Penang-an arni pen Cancer akeso pen kapangji-pate hong aphi there throksi arni Diphu Civil Hospital along pirthe achethe vang padulo. Kithi ahut anta alangli Diphu athiri along adim keme adim alar Diphu a Lang-roi akung si me-an pilo.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives