ADVERTISEMENT

This area is available for advertisement. Please contact for details.

Arnivang
Get Adobe Flash player

Guinness record aphan inut Assam aoso akeng ase kekat

Guwahati: Amang kaheman alam kapachekok ji aphan keklem kachepaduk. Non  arnisi aphi lote labangso aman ahok cheplangpo lapen aphi lote pirthe adang angbong akeng angse kekat ajak kiding nei abang cheplang po. Nong nam kachethang aphan kar-i atum prekjam-prekjam asai monit kachepalongji aphan bor-i. Lason si Assam along kedo ningkan 22 ariso Abhijit Barooah ta nong-nam aphan amang keheman kachepachunji aphan 180 km akeng angse si katji, alangli ke Assam Police along si sai kacherap dun. Laso aphan non porphai 24 anbak dolang la-aphi lote alangli kaheman aman plengpo lapen amen Guinness Book along amen dopo.
    GWR along kacherap dun Dr Chandrasekhar Tiwari kachepaklang jongsi Abhijit Barooah 150km akeng angse pen porphai 24 angbong katdet lo pulote lata isi a record cheplang po athema Pirthe along lapu-an ke Majok ta klem abng ave alang. Bonta alangli 24hr angbong kekat patang unvek nangji. Alangli kekat nangji lake upper Assam ahithi Jorhat along  west Jorhat pen East Jorhat ajak kiding km 10. Kat bom ahut Sengme rap bang atum pen aduk kapave ji aphan tovar arkot dun bomji lapen laso along ongdung official atum ta chetong dunji, laso kekat ahut arjan ke-en dunji aphan Photographer atum non pen ta mohor kenep pachenglo. Bang 100 Sengme rap bang atum Abhijit aphan lang, an, lapen peh ri kipi dunji aphan thik-etlo lapen motor humni ta thikpilo laso a motor atum pen si lang parbe dun po. Kedamtang may a chiklo 28 arni Abhijit Karate lapen kickboxing kethek ajok Limca Book of record along seta 150 km porphai 26:31 minute angbong katlo lapen alangli ke-ong dung ahut gold,silver, lapen bronze medal national-level martial arts compition along chepalong dunlo. Abhijit laso asai pachun unijima un-eh lapen record book along amen chethap longji longle ma? lake penap si klangpo seta Suri arat atum laso Phurkimo kithikji along kacheto dun lapen Abhijit aphan aning kaperung dun atum penang-an chethur dunlo pusi birta pachini.

Leave a Reply

Your email address will not be published. Required fields are marked *

February 2012
M T W T F S S
« Jan   Mar »
 12345
6789101112
13141516171819
20212223242526
272829  
Archives