ADVERTISEMENT

This area is available for advertisement. Please contact for details.

Arnivang
Get Adobe Flash player

Thangthang achiklo pen Brahmaputra alangroi along Dolphin aphai lakhapo

GUWAHATI:img-Dolphin_Sanjay_Das_577907609 Wildlife conservationists atum pen Brahmaputra alangroi lapen aro arim along anta Dolphin aphai kalakha thangthang acheklo kechengsi arui pen pangchengpo. Guwahati along biodiversty conservation NGO, Aaranyak lapen Forest department atum pen cherapsi dolphin kalakha asai Assam-Arunachal border lapen Dhubri along Indo-Bangladesh border along an labangso dolphin kalakha pedoji. laso dolphin kalakha Brahmaputra aro-arim, Lohit, Dihang, Siang, Subansiri lapen Kulsi alangroi anta keri dam pen kalakha pedoji.Netum 1,100 km Brahmaputra alangroi lapen aro arim along dolphin aphan ri tarlipsi kalakha pedoji lapen netum Arunachal alom kedo Brahmaputra aro-arim along anta kedamji aphan bor-i ponji. Non kevangji There achiklo angbong an laso dolphin kalakha petangji, Abdul Wakid, Aaranyak’s Gangatic Dolphin Research and conservation Programme(GDRCP) pen pachini. 2008 aningkan keri pen kalakha aphai kelong ke 264 bonta halaso ahut ke 1.031 km ansi  keri kalakha asai klem chok. Wakid ke  International Union for Conservation of Nature’s alongta klem bangphu, laso ajok non aphong dolphin kalakha asai ke mesenji lapen ahokpet aphai peklang thekji. laso ahut kemesen ahormu pensi sai dengji lapen lahai ahormu Japen pensi vangji, keri tarlip tangdet aphisi dolphin aphai ahokpet pen peklang thekji pusi Wakid ningje. Assam alongri kedo Brahmaputra alangroi ke Pirthe adang angbong pen isi kethe-oh lang along kedo api kelong ke-ong nei alangroi puta Wakid ningje, bonta chinilor pen Dolphin aphan kepathi pen ajok non laso alangroi along Dolphin aphai kom het tahai lapen non langroi keteng ji alam pen apot laso a Dolphin aphan kaphere meme man det tahai athema  laso alangroi along jongsi dam semarlo tangte lang kili asai abang komhetji. lason thakthak 1996 aningkan India , Nepal lapen Bangladesh angbong Ganges-Brahmaputra-Meghna lapen Karnaphuli alangroi alam ahut ta  Dolphin aphan kasisak mate kaphere meme dolo puta Wakid ninjgje.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives