ADVERTISEMENT

This area is available for advertisement. Please contact for details.

Arnivang
Get Adobe Flash player

KANCHASDCOM atum 26 January pen kachepahelo

Minister Khorsing Ingti ‘Autonomous State’ alam kelet kelat ta ningjeje

Diphu:Thekar Photos Karbi People’s Liberation Tiger (KPLT) pen ghonta 12 Karbi Anglong kangkir lapen KANCHASDCOM, KSA, KRA, KARSA atum hemdolun asai kedeng angbong Karbi Anglong alongta 63 angdeng 26 January- Republic Day arong-aje pen talon dun. Laso apharman Diphu KASA Stadium along Detpi alama Assam Hill Area Development a Minister Khorsing Ingti si pangjar. Alangli Assam Police, CRPF, NCC, School a osomar pen kardom-kardi dengdet aphi Sorkar pen keklem kedam  amoton  kachetong arat aphan             pachini. Minister Ingti,Karbi Anglong Autonomous Council aphan Assam Sorkar pen Crore 470 atangka kipi alam jaithu pen Karbi Anglong along Medical College ahem kedimji aphan kam klem bomlo pusi pachetak thu. Rat atangka kecho kapanglim atum aphan kenepji aphan Department tin along kelangchari amai kesengji alamta alangli pachetak pen inglong pen thoi along kevangve a klempar asong aphan thoi along kevangji aphan choningri pado. Autonomous State alam kelet-kelat,  ningje jepin pensi Minister Ingti, lam kethan pajutlo. March Pass kemenai Diphu Govt. Boys Higher Secondary School, adunthu kemenai anong-eh Bodom Memoriel School, kethom anong-eh Central School aphan si alohi atum arideng pen pajir. Anthik mate Decipline anong-eh J.NV si chepalong. Diphu National Integraion Camp along nangkedun Himachal Pradesh lapen Chotisgarh ariso-nimso atum kelun-kekan paklang pen pining 63 angdeng Republic Day katalon asap kapaprek pado. Alohi Sarpo aphan man kipiji aphan Police, CRPF, NCC, Diphu Govt. Girls high School, Diphu Govt. Boys High School, JNV, St. Mary’s School, Central School, Bodon Memorial School, Chondrasing Teron High School, Donbosco H.S School, Hebron High School, North Point High School, UC High School, Sun Rise School Republic Day along  March-Pass angri pen paklang. Halapu Hamren along Karbi Anglong Autonomous Council a CEM Joyram Ingleng si detpi alamma ingthurlo. Bokajan Sub Division Bokajan along ke Bokajan SDO pensi detpi alamma pangjarlo. Pu KADCC penta 26 junauary katalon abirta KADCC akongchunbang pen ladak birta nangpale. KADCC dun Meiphu Pran Kr. Dutta si detpi alamma pangjar. KADCC akthe-keding,bangphu-bangphi atum Republic Day katalon asai along chetong dunrinti puta kongchunbang Teron pachetak.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives