ADVERTISEMENT

This area is available for advertisement. Please contact for details.

Arnivang
Get Adobe Flash player

Dongkamukam along MAC Tuliram Ronghang aphan karacho

Dongkamokam: No.6 Bithung Rengthama MAC Constituency pen Congress kachetoi dun kilik ahut ongdung aphai pen Tuliram Ronghang kehai dun ajok ning arong chinipi si atumi Dongkamukam along MAC Tuliram Ronghang aphan aman-peng pen karcho pado.
Karcho amai along kechengsi Dongkamukam Town Congress a meiphu Mukul Teron si karcho si aman-peng pen MAC kimi Ronghang asangho aphan archo lo. Bangso aphi (MCC) Mondol Congress Committee , (PCC) Primary Congress Committee, (SHG) Self Helf Group lapen ongdung aphai pen Congress aphan kekroi arat atumta aman-peng pen archo dun. Karcho amai along MAC Ronghang asangho lamthe kejai, ‘KAAC along EM mandet aphi Contract, Voreng amen pen Sika isi ta tangka en-eh lapen majok aphanta piri laheihui amen pen tangka pi nangne. Bangso alam kaningje aputhak rat atum ning chingsam si aripak kachardep aseh pathe rinti. Lason si UPDS lapen govt. angbong kachetok a MoS alamdon kapachunji aphan KAAC along un-an bor-i dunji puta rat angno lamchak chipi’. Laso ahut nongnam kachethang plup a lunsepo Phu Ningding mate Warklung ta chetong dunsi killik kapachethang ahut Ronghang asangho kachechak alamthe an pachun-pachunche ke nelituam Karbi Anglong ongdung amuluk pen inutlo apot un-anke lang dun bomji. Kachechak alam jongsi pachun che pulote neta Anna Hazare nang man ji pusi rat aphan chechak angno chechak.

One Response to Dongkamukam along MAC Tuliram Ronghang aphan karacho

  • Congress MAC lason ningje pot choro lo. MoS long cherap dunji pu lamchak kachipi apot Ronghang asangho aphan kurvangthu! Voreng avarsai ta merit based piji pu lote mepik lo.
    Lets wait and see how he’ll perform his duties.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives