ADVERTISEMENT

This area is available for advertisement. Please contact for details.

Arnivang
Get Adobe Flash player

Kuki Regional Council apharman UKDA pen KRA pini risim tipo

Diphu: 23-01-12 Karbi Anglong- UKDA cadres came out from jungle (1) Kuki Regional Council apharman ajir kidingklui pen risim kangtang pen kachesong Kuki akhei hele ke-ot asong mate United Kuki Defence Army (UKDA) pen bang 120 lapen Kuki Revolution Army (KRA) pen bang 61 klem bangphu bangphi atum Kuki Regional Council kepachun dap prangji aphan sorkar pen chingki chethanji aphan atumi ke-ongdung UKDA pen KRA klem  bangphu/phi atum Singhason anglong pen nangsun rinti lo. Pini Guwahati Rongsopi along Sorkar athengno ke-ongdung arisim tipo. Laso angbong pen non an risim aphai kelong dun ke AK-56 (bong 6), AK22 (bong 5), G3 (1), M16 (bong1), 9MM (2), Grenade (pum 2) SGBL (bong 5), Lethod ( bong 2), kepangbop a bomb (1) ri pen kaselam ahile (bong 5) anparata hile amu kado kave mu 1200 sorkar athengno hodaiji. Bangso amai along Asom Chief Minister Tarun Gogoi pen Asom DGP Jayanta Narayan Choudhury atum athengno si risim chehodai po. Union home minister ta kachetongdunji alam do pusi birta longdun.
Karbi Anglong arlo Singhason anglong along Kuki armu aphai bang 35, 000 sose do. Kuki kaparlo avaikang aphan Kuki Regional Council akemang kapachunji aphan (UKDA) United Kuki Defense Army pen (KLA) Kuki Liberation Army klempar atum vi-phik pen khei apharman chesong lo. Lasonsi Manipur pen kahache a klempar (KRA) Kuki Revolutionary Army k23-01-12 Karbi Anglong- UKDA cadres came out from jungle (3)lempar ta cherap-cheto dun.
Labangso akemang along State govt. pen ardi pi dunsi kemang prapjin pen paplengpi nangpo pusi (KNA) Kuki National Assembly ta kehang along ardi pi dun.
Labangso arni thot sirkep klempar ahamphang anparata Adivasai a khei klempar Adivasi Cobra Militants of Assam, Birsa Commando Force, Santhal Tiger Force, Adivasi People’s Army lapen Adivasi National Liberation Army, anparata Hmar Peoples Convention atum govt. athengno risim chehodaipo.
‘Kuki Autonomous Council akemang kapachunji aphan ningkan 15 an nangchesong lo. Jongsi risim ti det aphi state govt. pen  home ministry angbong aphurun-aphurun chingki pen keme angthek pado nangpo. Ning chethe lo labangso arisim kiti pen autonomous council akemang chunpo," pusi KNA Meiphu Thongthang Touthang ningje.
Pinpurme, Kuki akhei aphan hemprek kangthim kapalongji aphan 1992 aningkan KNA nang seng lo; 1998 aningkan autonomous council akemang aphansi chesong thu ronglo. Bangso aphi 1999 aningkan (KRA) Kuki Revolutionary Army amahang patheklo.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives