ADVERTISEMENT

This area is available for advertisement. Please contact for details.

Arnivang
Get Adobe Flash player

Rantu Marak aphan Nominated MAC pi nangji

Bokajan: Atumi arnikangsam porphai 5 apor Bokajan along pherangke amai ingni. East Karbi Anglong (GSU) Garo Students’ Union a meiphu Pratab Sangma, chunbang Rahul Sangma lapen (AAKSU) All Karbi Anglong Students’ Union a meiphu Prezim Sangma, chunbang Elphin Sangma atum pherangke amai along chetong dunsi lamthe jai dun.
1860 aningkam malom penlo Garo a khei Karbi Anglong along kedo dun, bonta pini arni anta Garo a khei aphan keberthip pen KAAC along EM, MAC lapen Nominated MAC anta ponpe lang. Lasi non adihu abangke Nominated MAC kepapi vekji aphan choningrilo. Athema Karbi Anglong angkang arlo Garo a khei pangrum pet bang Suri 60 ando. Lasi Garo a khei atum anta ajir kiding pen kachingthur dun un-e det asonlo.
Bangso ajok kapaphi dun phup Garo a khei aphan pachingthur dunji aphan varasai kelongji aphan non adihu abang paplut pledetji aphan ta choningri alamthe chepaklang thu. Garo a khei aphan kanghon kajinso pathera alanglitum pen kachejong Rantu Marak aphan Nominated MAC kapapi vekji aphan choningri. Kali pulote sai jokje (EKAGSU) atum kachesong angdeng ingthur nangkokpo puta pherangke amai klardak pen lamthe jaithu.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives