ADVERTISEMENT

This area is available for advertisement. Please contact for details.

Arnivang
Get Adobe Flash player

Congress aphan ke paremji pupe Kuntila Ronghangpi aphan si kepu-PCC

Diphu: 11 angdeng Karbi Anglong Autonomous Council kilik ahut Congress pen kesui Lumbangjong  a Congress aphan song pen phlung nangji pu aphuthak PCC abangphu-abangphi atum ladak birta nangpale. PCC bang 30 sose abangphu-abangphi atum kaningje atengke Lumbajong a PCC abangphu-abangphi atum Ratul Teron aphan kilik ahut kacherap dun ke Congress aphan akeme aphan. Kemesen Congress a sangpo atheng kangvaiji aphan pusi Khayasing Bey, Bidya Teron, Rajen Timung, Longkiram Inghi lapen arisangho atum pachetak.Non hetjong KAAC kilik ahut jongjung pen kethur Ratul Teron along si kilik cherap dunlo, seta Congress aphan kaparemji pu kali puta PCC abangphu-bangphi atum ningje. Karbi Anglong District Congress Committee (KADCC) a chunbang chethan the pensi Ratul Teron Lumbajong Constituency pen kilik chepate lo. Vote kehang ahut Lumbajong constituency along Congress rem nangji puke pupe Kuntila Ronghangpi rem nangji pusi kepu. Ronghangpi kilik along rem nangji pu kepu athe ke alangli ningkan pho KAAC along EM khi det aphi ta Lumbajong Constituency along kachingthurasin-asap ave. Lumbangjong asor kachingthur the ong apot si Ratul Teron aphan song atovar pen sui si jongjung pen kilik pathur lo pu PCC atum ningje thupen Lumbangjong arat Congress along si dothip ji. Kevangji M.P kilik ahut sitame Congress asong alongsi dothipji seta Ronghangpi along ke dode, akimi asongjapo along si kaike doverji pu alam ta song akehoi aphan pachetak aloh pen pachetak thu.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives