ADVERTISEMENT

This area is available for advertisement. Please contact for details.

Arnivang
Get Adobe Flash player

Autonomous State longle pin ke 26 January ke katalon plenglim kali-ASDC(P), CPI (ML)

Diphu: Karbi Anglong lapen Dima Hasau district hini aphan Indian Constitution along kedo 244 (A) aron ateng pen Autonomous State nangpi pe tik ke 62 angdeng Republic Day mate 26 January katalon plengple pusi CPI(ML) HPC a chunbang Selawar Bey, KSA pen Laichan Ingleng, KNCA pen Protima Inghipi lapen KANKIS a Meiphu Robi Kr. Phangcho pachetak aloh pen ladak birta nangpale. Pachetak aloh along songjapo atum kapachetak atengke Dispur lapen Diphu along kachari a Congress atum Dima Hasau a district along kuti suri isi lapen Karbi Anglong along suri kuti kethom ra pharo kuti throksi ra sirkep atangka kecho palang i lo. Karbi Anglong arat akhi pa -ik lo. Ningkan 10 Congress atum Karbi Anglong kachari ale ke rat ta thek long phrong lo. Ningkan pho Karbi Anglong Autonomous Council Congress arideng kedam thu pen rat ale kelongji ke kachemin henlo. KAAC Session along 184 angdeng along 244 (A) nangji pu kacheparai ke temong amek -kri ativi anchot. Kilik tin along kilik kachepahaiji pu aphan anchot. Autonomous State a ball apum ke Congress angno along si dolo. Diphu, Dispur lapen Delhi along Congress kedo ahut ke hemprek a ball turte pulote Karbi Anglong a Congress ke mononphi acham kedam lo puta songjapo atum pachetak. Non kevangji 26 January katalon ahut Congress atum Karbi Anglong aphan Autonomous State kipiji alam pangdak de pulote CPI(ML), KSA, KNCA lapen KANKIS atum pen hemprek aphan puthot kachesong ingthur ji pusi pachetak aloh along kachinkrin pado.  

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives