ADVERTISEMENT

This area is available for advertisement. Please contact for details.

Arnivang
Get Adobe Flash player

Julian ME School along vote jok thu nangji: Amarsing Tisso

Diphu: Atumi Monjir Press along No. 20 Singhason MAC constituency along songve pen kithur abangphu Amarsing Tisso lapen atoi atum pen pherangke amai pangni. Pherangke amai along Tisso asangho kaningje ke ‘Julian ME school along vote kejok chokche lapen Amarsing Tisso aphan bidi langno pensi kaparem pusi alangli chethan. Bangso Polling Station along Kado kave 771 an vote aphai do bangso angbong pen bang 522 an vote kejok dun aphai long bonta vote kalakha ahut kadokave vote aphai kelong 592. Lasi konat pensi 70 avote nang kebat detma pu alam ningje lapen laso sai langno keklem ke Prodip Singnar aphan kekroi a officer atumsi Govt. pen cherap si keklem  puta alangli ningje.
    Lapuson kechokche aphuthak alangli 11 angdeng KAAC election commissioner aphan chethan lo bonta election commissioner pen alangli phan Governor along si pedam toi rong lasi kamanghu dam ke election commissioner Autonomy body kali ma pusi alangli arju lapen jongsi election commissioner Autonomy body kali pulote alangli kopi aphansi dak kedo lo.Puthot alangli chepaklang puthu ke jongsi alangli ahok akangsai longle pulote high court along case pidamji pusi ningje. Puthot kachepaklang ke alangli MAC Prodip Singnar aphanle ning ke-oi dam kali bonta lason kechokche asai aphuthak si ning ke-oi pusi alangli ningje. Puthot alangli kaningje thu ke non aphong KAAC election aron pen damde, lason aprang kepaklang ponke nningkan kethom kechoktang a officer atum terakji alam do lasita klem theklongle puta alangli ningje.
    Trinol Rongphar vote kalakha ahut kedo pidun abang amek angdeng laso vote kalakha kechokche sai klang lo pusi Rongphar asangho pen Pherangke atum angno chethan. lasi Tisso Asangho pen song do-an ta kacherap dunji aphan kachoningri ta pado.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives