ADVERTISEMENT

This area is available for advertisement. Please contact for details.

Arnivang
Get Adobe Flash player

MAC Kangjang Terang aphan RKC karcho dam

Diphu: Thelang arni adap apor (RKC) Rongtheang Klimsomar Club chepatirpi si No. 11 Langper MAC Constituency a MAC kimi Kangjang Terang ahem damsi aman-peng pen archo dam.
            Terang asangho lapen alangli ri asangho atum Karbi Anglong arat apharman (MoS) Memorendam of Settlement kevanthek apot RKC abitung pen choro lo. Nohet jong  KAAC killik along ongdung a vote pen kachepahai dun thek apot ning arong chepaklanglo lapen kacharo a kardom pajir ik lo. Laso ahut  RKC a meiphu Birang Kamar Teron, Sankur Chunbang Ramesh Ingti, rat chunbang Nong-eh Ingleng lapen arisongho atum chetong dun. Anparata lason thak-thaksi Cong (I) atum aphanta angdung anghoi kachephai dun pen puthot Council kachari-kachalom ajakong kachepalong aphuthak ningkan aklong pen kachoro alamthe pajirlo.
             Bonta non (CEM) Cheif Executive Member, (EM) Executive Member arpu kachepek ji ahut Kangjang Terang aphanta EM arpu kepekji aphanta RKC chiningrilo. Athema MoS kapachunji ajakong ke KAAC arideng si do. Lasi Karbi Anglong apharman MoS kachetok vek abangphu atum inut banghini aphan EM arpu pek lote MoS kichunji avarsai non an-sose long dap po. Lasi song alam chepupe pin pen khei kachinghon, Karbi Anglong kapachingthurji aphan MoS kapachunji un ke kabor-i pado nangji lang. La heuihui alam pen munthi damsi Terang asangho lapen ari asangho inut-banghini aphan EM arpu kepekji aphan Karbi Angolong Congress asangja atum aphan choningri lo. Kijutsi nonhetjong kilik kehai dun bang 26 MAC atum aphan ta ning aklong pen kachoro a kardom pajir ik lo.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives