ADVERTISEMENT

This area is available for advertisement. Please contact for details.

Arnivang
Get Adobe Flash player

Bang 3 Karbipimar atum aphan kacholangrem kabor-i

Diphu:Rongmongve Police Station angkang Paniram Tokbi arong along Thelang arni adap porphai 7:30 apor  malom Langtuk Taro asopi Phudang Taropi (15) rong arlo han kiri ahut Inglong truck pen chek ke-en dam a inut Uku Islam kacholangremji aphan kabor-i pado.

Laso ahut adung arai ariso atum kethek dun longlok ajok un-an areng pasolo. Son thak-thaksi Kat Teron arong along kedo Jamuguri Teron asopi Lokhi Teronpi (14) Rongmongve Thelang ahithi nangki dun pen kacheruithu ahut chek keroi a truck alongsi chethap dunlo. Truck aphithu anat kachethap dun sopinso atum si aphai

keong ajok aprang anatthusi kachethap dunlo. Laso ahut ingnam ajo an kele ahut apor keme chelangsi truck pachington koksi kacholangremji aphan kabor-i adihu aphi anatthu kachethap dun ariso atum kethek dun long long ajok un-an areng pasolo.
Sonsi Hidisoram Millik arong along kedo Mongal Sing Tisso asopi Rohila Tissopi (13) ta rong adung het Rongmongve Thelang a hithi kidun pen kacherui ahut chek a truck a driver ND Narjunial kacholangremji aphan kabor-i ahut tovar kedam ariso atum kethek dun longlok ajok nep dun cheksi un-an areng pasolo. Arnisi vet long thom adim along lam kedo kok ajoine kado-kave chingrumsi bangso aphuthak kachingvai-chingsai padolo. Kado-kave chingvai-chingsai si mek langn-.nolangno asai kachomathaji aphan kabor-i bang 3 abangphu atum aphan arnikangsam porphai 5 apor malom Rongmongve Police Station along an lam hoi pi damlo. Lam kepho dun bang 3 a nimsopimar atum aphan pini Diphu Civil Hospital along ok pran asatlang padoji pusi pherangke birta long dun.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives