ADVERTISEMENT

This area is available for advertisement. Please contact for details.

Arnivang
Get Adobe Flash player

Rong Tharve a Timung hem along pangthek thekthe bang 9 kilut dam

Diphu: Thelang Arkoi niphai 4 arni Council kilik aphan vote kejok arni lo, seta Diphu along kedo erong pen voter list kechokche aphuthak sodak akoi kevan along pangthek thekthe bang sirkep (9) a voter atum amen edonvet along si thap et pusi akoi kevang.
          Diphu rongsopi along kedo pen kabocheji aphan pura kedamtang ningkan 20 anbak dokai lo, Rong Tharve along hem kachokim Longki Timung ahem along bang sirkep pangthek thekthe, abang kave karju longle pin amonit atum amen kedo aphuthak hemkom-hemrai pen chenglok penang atum chari aphuthak ning kethethe alam ningje.
        Rongnihang LP School (R), Polling Station No. 49 along vote kejokji a voter atum amen a No. 688 pen chenglok 694 lapen 701, 702 ke House No. 79, Longki Timung ahem ke ave pusi ningje.
        Bang sirkep amonit atum amen ke: Hussain Ahmed (Serial No. 688), Rehma Begum (Serial No.689), Feroz Ahmed (Serial No.690), Abdul Nur (Serial No.691), Hussanara Begum (Serial No.692), Hussain Ahmed (Serial No. 693), Resma Begum (Serial No. 694), Feroz Ahmed (Serial No.701), Sayara Begum (Serial No. 702) henlo.
        Laso aphuthak ta lason amen, laso a House No. (79)  alongthot Serial No. 686, 687 along ta Abdul Nur lapen Hussanara Begum pu do. La hini amen ke Serial No.  691 lapen Serial No. 692 along kedo tang lo.
Lason si chari pen Council kilik asai kedeng aphuthak kahonthe rat aning along do tang lo. India ke democracy pensi det chari, lasi kilik henlo India along chari aphan ardi kedonei asai ke. Lason alam nangkeklang ajok chari pen kedeng pon kasai-oi aphuthak kahonthe kachepaklang ahut – keklem chenam ma, mate kaphula ma- pusi ningje rinti.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives