ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren Sub Division angkang non aphong kilik ahut PAPA pen Congress angbongsi chedanpo

Tengralangso: Non aphong bangphu kilik along ongdung aphai pen PAPA lapen Congress angbong si kachedanji angring kelong dun. Nelitum jong-jung kahumri long atengke, No.1 Duar Amla MAC Constituency angkang kecheng malom Indepentdent Candidate Dhoniram Ingleng ta amen kachethap dun det ahut ke, PAPA Candidate Pator Phangcho si kehaiji angring thetan dolo.
       Setame Independent Candidate Ingleng asangho kilik along pen amen kache-e penke Joyram Ingleng abangsi ardi tan thu munaklo. Non aphong kilik ahut Duar Amla along Congress si kechengsi angdeng lapen adunthu ke PAPA atum ta haipo. Sonsi No.2 Amri MAC Constituency along ke PAPA Candidate Elwin Teron si kechengsi mate kahaiji angring kelong dun. Adunthu Congress Candidate D.Uhing Maslai ta haipo.
       No.3 Chinthong MAC Constituency angkang ingtangkring pen Congress Candidate Prodip Rongpi lapen Indepent Candidate Damien Hanse angbongsi chepate  pado tahailo. PAPA Candidate Rasing Ingti non aphong kilik along masapso tora dun chet ta haiji. No.4 Socheng along ke jongsi Indepentdent Candidate Dilip Hanse ongdung aphai pen Congress a vote thak dun det pulote kechengsi angdeng PAPA Candidate Jotson Bey si kehai detji angring thetan lapen adunthu ke Congress si do dunpo.
      No.5 Rongkhang MAC Constituency penke PAPA Candiate Horen Sing Bey lapen Congress Candidate Sing Teron angbongsi chedanpo. Setame Congress High Command pen ticket kipi kapachokche pu pen aning ke-oi arat atum PAPA along kidun lap ajoine, PAPA Candidate Bey asangho si kehaiji thetan angring long dun. Son thak-thaksi No.6 Bithung Rengthama along PAPA lapen Independent Candidate angbong si chepate po. Congress Candidate Ronghang asangho abangke kethom angdeng si do dunpo.
       No.7 Kopili along Independent Candidate Dhonsing Kro along Bihari a vote abui kedokok ajoine alangli si kechengsi angdeng mate kehai dunji angring thetan do. Adunthu ke Congress lapen kethom angdeng ke PAPA ta haiji.
       No.8 Hamren lapen No.9 Amreng MAC Constituency along ke Congress lapen PAPA angbongsi kachepate ahir ingtangrak ta thekji. Setame Congress atumsi kachehai thuji angring thetan long dun.

Leave a Reply

Your email address will not be published. Required fields are marked *

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  
Archives