ADVERTISEMENT

This area is available for advertisement. Please contact for details.

Arnivang
Get Adobe Flash player

Kilik pachethang amai along Minister Dr. Himanta Biswas Sarma nangkisun

KHERONI/DONGKAMUKAM/VOTHATLANGSO:1 Non  aphong kilik ahut Congress aphan pahai thu lote, ilin along Sika 6 ador pen kachonam nang asang Sika 3 ador pen kapachonam longji aphan varsai kithik tang dolo. Longri arlo Km.1 along LP School, Km.3 pen ME School lapen Km 5 an kahelo adak along High School ihum-hum pipo aphan varsai deng thupo. High School along English, Science lapen Maths athanbang anghoi papleng lappo. Lasi Kopili MAC Constituency pen Congress kachetoi dun abangphu Rengsing Bey aphan ongdung a vote kejok pen kapahai ji aphan kilik pachethang amai along kachetong dun alohi sarpo Minister Dr. Hemanta Biswas Sarma ningje.
Hamren Sub Division angkang Congress aphan kapahai lapji aphan Guwahati rongsopi pen kai ason Minister Dr. Sarma nangsun lilo. Nangsunsi kechengsi Mailoo alongsi arat amaipi paman damlo. Laso aphi Kopili lapen Satgaon alongsi  rat amai pajut dam.
Non aphong KAAC kilik along Congress (I) asong kehai katora ji angring chematha pen kaprek-kaprek a Constituency along Assam a Minister atum aphan rong dam pen Karbi Anglong arat aphan vote kebei amai kapado asonsi Bithung Rengthama lapen Rongkhang pangrom pet pen Satgaon along Suri throk (6000) anbak armu kachetong pen mai padolo.
Mei along Assam Govt. along lam a thekere po rat atum kehok pon a Minister Dr. Himanta Biswa Sharma chetong dun si rat aphan ari pachardep prup alam ningje pon. Karbi Anglong jongsi chingthur nangji pulote Congress (I) aphan pahai vek nang ji. Lasi Congress aphan  nanglitum pahai lote ansose nanglitum aphan kachingthur amo dengji puta lamthe chechak tekang. Sharma akehai UPDS lapen PAPA atum aphan lam kaningje ahut lamthe karbok thuke hele kaman kaparphang bom ahut ason non anta aning chelar le lang. UPDS atum jongsi kilik thur dun jite nanglitum hele ke-ot esek rat along pen kirung atangka an puthot rat aphan chitu et tha, la lote rat nanglitum aphan nangdeng po. Lason si hele kapharphang esek bang ko-an monit kapathi ma halabangso adon arap atum aphan ardom dam krup pen diya chohang dam tha. Laso aphi ningkan pho (5) netum along ratchari ahin nang charli dun tha. La anle kilik nangthur dun non pusi Sharma pen lamthe jai kejai ahut ningje. Halapu penang arat atum pheramgke angno kaningje ke, Himanta Biswa Sarma vang pen lamthe ajat-ajat nangsoi seta bangso aphrang  kachechak tekang alamthe anke chipip tekang bom. Bangso angbong jongsi Karbi Anglong long phli (4) MLA Congress (I) aphan pahai et pulote SIU ke Brahmaputra alana roi along jok plung lonang puta chechak tekang lo. Bonta SIU ke non anta pavir ve lapen voreng aso asa aphan ta non anta Dispur dam nang bom lang pusi ningje rinti.
Halapu PAPA lapen Independent aphan kekroi arat pherangke aphan kethan thuke KAAC kilik a football kapathu non langme chit lo. Bithung lapen Rongkhang pathu aklam along Football kapathu  Congress atum jakong bop tanglo. PAPA atum kehai tang ateng lo. Lasi Bithung lapen Rongkhang a player atum det ke cheplang ple lo pura foot ball pathu thek muchot lapen State player Dr.Himanta Biswa Sarma aphan rong dam (hire) si kachepahai ji aphan klem lo. Bonseta PAPA atum ball apum kethap tang dopik lo. Lasi State player chot kali National player le rong dam pen van seta Bithung lapen Rongkhang along Congress (I) atum rem vek po pusi ningje.

One Response to Kilik pachethang amai along Minister Dr. Himanta Biswas Sarma nangkisun

  • A long kaprek pen player kerong pen kachepahai lake methang jongjung aphan kanahok thepik binonglo. lasi madu seta klemkle det si kemejima pusi neli hin pen kamatha.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives