ADVERTISEMENT

This area is available for advertisement. Please contact for details.

Arnivang
Get Adobe Flash player

Dispur pen Minister adilung-dilung K/A kevang

Assam C.M Tarun Gogoi Bokajan lapen Bokolia along ‘rot’ ahem pen kilik kapachetak

DIPHU: Asam Chief Minister TaruIMG_3544n Gogoi, Congress aphan puthot Karbi Anglong Autonomous Council along ‘arleng kethe’ kapamanji aphan atumi ‘rot’ ahem pen Karbi Anglong nangsun. Chief Minister Gogoi  Bokajan along kilik amai do dam det aphi Bokolia along anarlo 12:50 apor malom nangpale. Alohi sarpo Chief Minister Gogoi amethang asong aphan rat akam keklem – kedam mesen pu chero dam pen Delhi, Dispur lapen Diphu along kedo kachari asong aphan si pahai nangji pusi ningje. Karbi Anglong kapachingthurji aphan Congress aphan pahai nangji. Kachingthur ji aphan komat aphan lo vote pi nangji, laso alam chini hur nangji pu kilik alamjir alangli Bokolia kapathu aklam along pharo-pharo arat aphan arju pen keduk-kelak amonit aphan kelang asong aphansi pahai nangji pusi ningje. Rat aphan kam keklem asong aphan si  vote jok nangji. Rat aphan kam klemkle amonit aphan vote kejok ke vote nahok detpo puta Chief Minister Gogoi kilik amaipi along pachetak thu. Elam marlak tak chot ke chokche, kam ta klem nangji lapen Scheme ta deng nangji. Laso alam alangli lamjai pen rot ahem pen ahem Guwahati chepangno thu. Chief Minister Gogoi along ari nangkedun Asam H.A.D a Minister Khorsing Ingti kilik alamjir along ASDC, CPI(ML) lapen barim UPDS aphan sorsa lapen barim UPDS abangphi atum aot-adur non pu ta ephong atengsi dolang pusi ningje. Karbi Anglong District Congtress a Meiphu mate Langpher pen kethur Sum Ronghang pensi alohi aphan kangthun-karne pado. Diphu a MLA Bidyasing Ingleng pensi kachoro alamthe jai lo. Dima Hasao a BJP asongjapo Kulendra Dolagopu, ASDC Central Committee abangphu Ramsing Timung lapen arisangho atum Congress asong along kevang abirta alohi athengno Sum Ronghang pensi pachini. Kilik amai along  Assam Pradesh Congress Committee rap chunbang, Kongchunbang , Dima Hasau Autonomous Council a CEM Debojit Thaosen, Singhason pen kethur abangphu Langduk Ronghang  heihui asongja atum chetong dun. Halapu atumidik (Matijong 29) Bokajan along along  Minister Pridhivi Mahji lapen Hamren Sub- Division Amreng along Minister Ardhendu Kr. Dey kilik amai pado dam.   

One Response to Dispur pen Minister adilung-dilung K/A kevang

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives