ADVERTISEMENT

This area is available for advertisement. Please contact for details.

Arnivang
Get Adobe Flash player

MDC barim Seng Rongpi Congress pen che-o si ASDC along kidun

Dongkamukam: MDC barim Seng Rongpi Congress asong pen che-oh si ASDC along kidun pusi ASDC Tiripi klembang/KAAC EM barim Ram Sing Ronghang pherangke aphan pachini.
       Rongpi asangho Ram Sing Ronghang along dam si ASDC along sai keklem dunji aphan aningkehang alamthe chepaklang alamthe ASDC Tiripi aphan pachini si Tiripi ahukum atengsi Ronghang asangho Karbi apoho pen kedeng pado puta pachini thu. Rongpi asangho kedamtang 1989 aningkan ASDC asong pen ticket chepalong si Rongkhang MAC Constituency pen MDC chepahai pen ningkan 5 MDC manlo.
    1986 aningkan Aru achiklo 17 arni ASDC amahang pathek det pen alangli song along penang an sai keklem chepaduk lo. Song aphan kachinghon ajok alangli ahem-arit kemesen abangphu ta ahem-arit chepadoi lap an pinlo. Angbong malom ethe-theni alam pen ASDC pen che-oh si Congress along  ta ehutso apor cherap dun lang. Bonta non apor MoS kapachun along si jakong chipi dun nangpo pu mathasi puthot ASDC along kacheruilo pusi kachethan alamthe ta pherangke aphan Ronghang asangho pachini thu.

One Response to MDC barim Seng Rongpi Congress pen che-o si ASDC along kidun

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives