ADVERTISEMENT

This area is available for advertisement. Please contact for details.

Arnivang
Get Adobe Flash player

Lakhijan along Christmas katalon dun

Bokajan: Saphapani Are1a Baptish Fellowship angkang Bhomkuru arni Lakhijan Baptish Church atum chepatiripi si adap porphai 11 apor Luk 2:11 ‘Nanglitum aphan kapajok abang pirthe hache tanglo’ pu athepi alam rip si KBC Deacon Joy Sing Langneh kachepahemphu amai along LBC a chunbang Anand Terang si kachetong arat angno alohi pachini.
       Laso ahut alohi aman-peng pen Lammetpo Chandra Ingti, Mtech IIT Guwahati along kacharli dun cheng abangphu Biki Teron, BE Engineering Rakeswar Teron, Sarbura Ingti, Kania Bey, Babu Bey lapen Christmas karcho along lamjai sarpo Mth.Kerela Pastor LBC Aaron Teron chetong dun. LBC ariso-nimso abitung pen jumesen-jumesen Jisu Khristo aphan kero-karcho alunjir kilun pado. Mai along kachetong dun Pastor Aaron Teron kachetong arat angno jumesen-jemesen arnam alamthe than paresi Christmas katalon mate kero karcho amai ingsamjin pen pachun.
        Lason thak-thaksi SABF angkang kaprek-kaprek adim Hanjanglangso BC, Khatkhati BC, Chungajan BC, Paklangso BC, Saphapani BC, Bethany BC, Sangtilangso BC, Atur kimi BC, Deithor BC heihui alongta methang-methang a mondoli along Christmas karcho pado pusi pherangke birta humri dun long.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives