ADVERTISEMENT

This area is available for advertisement. Please contact for details.

Arnivang
Get Adobe Flash player

Rongkhang lapen Bithung Rengthama along Candidate kipi kechokche ajok Congress a vote kangrai

Mohon Pator lapen atoi atum achu kachesoi pensi Sing Teron aphan ning kangsamse kachepaklang

DONGKAMUKAM:1 KADCC Meiphu Sum Ronghang pen Matijong niphai 20 arni kevangji 11 KAAC bangphu kilik aphan candidate amen kapangdak pen No.5 Rongkhang lapen No.6 Bithung Rengthama constituency angkan song a candidate aphan ning kangsamse ajok Congress a vote ingrai tanglo. Rongkhang Constituency pen Sing Teron aphan  Congress (I) a ticket kipi aphuthak ning kangsamse chepaklangsi Mohon Pator lapen atoi atum don 60 Congress arat PAPA archak kipi dun UPDS Sankur Chunbang barim Horen sing Bey aphan si ador kedo a vote chipi dun po pura rat aphan chepaklang. Congress penle kache-oh kali bonta Sing Teron aphan ning kangsamse ajoksi lapuson asai kedeng pusi chepaklang. Mohon Pator lapen atoi atum achu chesoi si Sing Teron aphan kekhamkhe angthek mate patherak pusi kedeng puta pachini. Mohon Pator kejai ke ‘Sing Teron aphan ning kedok ke oso osa ta ave bonta alangli tangka a jakong pen song a ticket chevan si kerem a an van chodeng lo. Lasi non adehu ke Sing Teron aphan kerem papar-eh prat an pamanji’. Pator asangho chu kesoi ahut Horensing Bey ta chetong dun.
Lasonsi No. 6 Bithung Rengthama Constituency angkang Tuliram Ronghang aphan song ticket kipi ning ingsamse pura Rongkhang Block Congress Committee a chunbang lapen Bithung MCC Meiphu barim Rana Bd. Chetry, MCC klembang Dilip Terang lapen RBCC saihem chunbang Prodip Timung atum akeja pen kadokave don 132 Congress arat atum PAPA archak kipi dun UPDS dihin rimbang barim Mohon Kathar aphan si vote pipo pura rat aphan chepaklang. Rana Bd. Chetry pen akoi kevan ke ‘Tuliram Ronghang songja a-ot dode kaita kangtang kangsak pensi sai keklem’. Song penle kache-oh kali Tuliram Ronghang aphan ning kedokde apot si PAPA a candidate aphan cherap dun nang kok lo puta Chetry ningjethu.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives