ADVERTISEMENT

This area is available for advertisement. Please contact for details.

Arnivang
Get Adobe Flash player

Chandra Kathar ke ning oi-e lo

BOKAJAN: Borjan MAC Constituency along Congress asong pen ticket kehang dun kinirsip abang Chandra Sing Kathar alangli ta inut Congress abarim nai abanglo. Alangli arleng kethe kemanji aphan ar-i o lo, bonta alangli ang-ang along kave det apotlo lo pusi alangli chepu. Alangli phan Congress High Command mate MP Biren Sing Ingti, ephong ticket pilo, seta hai un-e detlo. Non adihu lethot ta ticket hang dunlo, seta longle detlo. Lasi Kathar asangho songve pen thur dunte Suri hini a vote kelongji, seta thur dunde lo. Non Congress pen tikcet kelong dun Longki Timung aphansi hodai koklo, aning hang aling paklem nang pusi pherangke angno Kathar asangho chethan. MP Ingti asangho aphanta thank ning ke-oi athai ave, bonta mo aphi kopine ison bak avarsai nangpi asonte pusi matalo. Lasi non adihu ke Nilip along Samson Ingti along si cherap dun rongpo puta alangli ningje thu.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives