ADVERTISEMENT

This area is available for advertisement. Please contact for details.

Arnivang
Get Adobe Flash player

Arkoi 4 arni KAAC kilik: pini penlo Nomination

Nomination kapadu Matijong 22 arni, Nomination kache-en Matijong 26, kilik Arkoi 4, kalakha Arkoi 9

Diphu: 11 angdeng Karbi A1nglong Autonomous Council (KAAC) kilik Moning Arkoi 4 arni lo kedoji. Kevangji KAAC kilik aphan pini pen Matijong 22 arni an Nomination aloh kejok, Matijong 22 arni pen Matijong 23 arni, arni kangsam 3.00 apor an Nomination Paper Scrutiny, Withdrawal mate Nomination aloh kache-en Matijong 26 arni, arni kangsam 3:00 apor an, kechok lim kachepate dun abangphu-abangphi amen kapachetak, Arkoi 4:00 arni kilik, kilik dothu kok pulote puthot Arkoi 7 arni kilik kapado thu lapen Arkoi 9 arni kilik kalakha dopo. Karbi Anglong a additional Deputy Commissioner Dulal Ch. Das Assam State Election Commission No. SEC.90/ 2011/6 ahukum mate Notification alam pherangke amai along KAAC kilik ajo arni kepha aphuthak pherangke aphan pachini. KAAC kilik Constituency 26 anghoi aphan si doji lapen Ballot Box pensi kilik doji puta ADC Das pherangke amai along pachetak thu. Non kevangji KAAC kilik aphan kenangsot kesik kedang do et pu ADC Das pherangke aphan pachini thu pen kilik ahut kadure kapave pinji aphan angtang pen jakong horang kerong padothuji pusonta ningje thu. Isi Karbi Anglong arat aphan akimi rak alam ke pu henlo- UPDS akemang ateng Asam Hill area Department alar Assam State Election Commission pensi  Karbi Anglong Autonomous Council kilik padopo. UPDS atum risim kangtang kiti ghonta 12 plengple aphrang  Election Commission pen KAAC kilik arni kapachetak aphijong, laso abirta Karbi Anglong atok ano ingdanglo. KAAC along Neutral body nangji pu UPDS pen Union Govt. aphan kehang padolo seta UPDS kemang ason kechunji angring thek longle si kilik kachepate ji aphan ning kehang chepaklang rinti.  Mut chedongprat, kithi kereng chetate  kachesong pen kelong a MoS asek tin kapachunji aphan ratchari adondon pen henlo kechunji pu munthi pen UPDS penta kilik atalo along kevekji aphan sai kedeng padolo pu alam UPDS a meiphu Longsodar Senar risim kiti arni pachetak. Halapu Congress pen pini-penap kilik kethurji atum amen pachetak po seta UPDS atum PAPA pentong kilik arjap jine mate akimi aratchari keseng pentong kilik kachedan jine laso abirta birta ketok ahut anke klardak abirta longle lang.  

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives