ADVERTISEMENT

This area is available for advertisement. Please contact for details.

Arnivang
Get Adobe Flash player

Sarupathar pen Congress a ticket Pina Ingtipi kehang dun

BOKAJAN: No. 22 Sarupathar MAC Constituency pen non jong kevangji 11 angdeng KAAC bangphu kilik ahut Sarupathar constituency pen Pina Ingtipi ta Congress (I) apharman karjap dunji aphan ticket kehang dun. Alangli aphu-asarbura Khorsing Ingti akai ahut Sarupathar mate Adhorso Ronghampur arong alongsi kaboche lapen alangli seta ladaksi mahang thek lo. TDC part I an charli dunsi lapen okarjang ahut hem pen kopine katora kethetan pen ajok alangli voreng avarsai heihui chori dun bom ahut Diphu pen keklang abirta aloh Solangdo alongta cherap dun. Anparata alangli HAD Minister Khorsing Ingti lapen MP Biren Ingti atum pen chepho chero lapen don ason chemansi Pina Ingtipi aphan kachinghon do. MP lapen Minister atum pen kapinkhat atengsi alangli setame Sarupathar ahavar angkang humri damsi rong asar/ SGB anparata rong asor heihui atum penta chetong damsi chethan chemun padolo. Adon atum anta chedon dun adon arap atum pen suri sose a vote do. Congress pen ticket long pute Congress a vote abang abat kedoji alam do pusi pherangke aphan pachini. Anparata alangli inut thek reset keklam kedam mesen lapen alangli phan Congress pen jongsi ticket jongsi pi pute alangli kehaiji lapen Sarupathar arat aphan kachingthur avarsai klempiji puta pachinithu. Lasi ove kimi mate so-arlo aphai pen lakha asonte mesenji pusi Congress High Command aphan choningri alam pachinithu.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives