ADVERTISEMENT

This area is available for advertisement. Please contact for details.

Arnivang
Get Adobe Flash player

Missionary kevang penta isi akeme

Anand Terang, Bokajan

Aphrangsi kedo an Karbi akhei aphan ning aklong pen kardom pajir ik lo KARDOM,

                  neli kethek-o kali kachini-et ta kali seta masap methang ning kere pen matha damsi ketok dam kechokche dopute pakengji aphan choningri iklo. Karbi Anglong along Missionary kevang penta isi akeme pu alam ethe-theni kejong dam neli lapu henlo. Karbi Anglong along Christian Missionary kechengsi 1856 aningkan West Karbi Anglong Vothatlangso along Tika angling along American areng kelok atum Missionary akam birta keme aphan vang lo. WR Hutton, PC More atum arnam aban mate arnam aphan chematha ajok amethang adet che-o bubsi Karbi Anglong aphan birta keme kevan atum abangphu lo. Halaso ahut alanglitum aphan Kristo aphan kekroi arat atum anke momota alanglitum aphanke tengne un-eh lapen alanglitum seta Karbi Anglong nang kedo pen Karbi atum aphan kachinghon thepar pik Karbi akhei ta mo aphi thek nangji pu pen Karbi Anglong atok ano Missionary English School amokha kim nang rang lo Karbi atum aphan ajok kamatha ladak Karbi Anglong alongsi akai chepadam lo lapen amek seta ladaksi che-o lo la nonta Tika anglong aphuchong along nonta kithitang kipipi adim mate atipit dolang lapen alang akekroi ke American pen apotsi Baptish henlo Karbi Anglong along missionary kevang cheng lo. Haladak Tika Baptish Church do lapen non puta anta dolang. Haladak pen aphi nihang anatthu ta Diphu rongsopi alongta kaprek Christian Missionary atum vang lo. Alanglitum akekroi abangke School pen apotsi vang pen English Medium School nang kim pangchenglo. Karbi Anglong angkang Missionary atum along along Don Bosco School nang kimsi Karbi atumta English School dun pangchenglo lapen ajok non penang ke-ong dung atum ke English School kacharli pen ajok penang arleng kethe ta man lo. Lang pangbar dam pulote non Karbi Anglong arlo kedo a Karbi atum ke-ong dung bangphu bangphi arleng kethe keman kethek kere nang keman ke Don Bosco lapen Missionary pensi ke-ong lasi lahai atum jong North East Karbi Anglong vangve asonte Karbi atum kethek kere mate kacharli anat ke paphi hupji lang. Lapen non ili English amek pen Karbi alam kaporhi ilong lata aphrang karlitang Semson Sing Ingti lapen ari asangho alanglitum BA nang un-eh aphi Missionary atum pinkhat lo. Bible alam aphuthak English pen Karbi alam kelar pinkhat lo laso ajok non ili methang Karbi alam pen Bible porhi long lo. Lasi lahai hui asaisi Missionary atum Karbi akhei aphan kamatha pen eklem pi tekang lo lake choro re un-e lasi kijutsi Missionary atum Karbi akhei ta pathek anang pu akabor-I pen ajok Karbi Anglong kevang penta isi akeme lo pusi neli pudamji.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives