ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi akhei ta paphrang pre te chingthur the

Isi adet lapen alongri jongsi plang-phi dunji lapen paprang dunji pulote sonni-sonthom akenangsot ahormu dovek nangji mate dure redet nangji. Lahai ahormu ke det-longri arlo methang pen nangkeplang akhi mate athor (Natural resources) dopik nangji lapen halabangso adet alongri amonit atum kethek-kere (Human resources) dure redet nangji. Methang pen nangkeplang athor (Natural resources) pulote det-longri arlo ingnam athor (Forest resources) longle arlo pen kelong akhi mate athor (Mineral resources) aphansi kipudam. Ingnam athor pulote, athengpi-thengprang, kaipho-ingchin pen ajat-jat ador kedo ahormu aphansi kepudam. Sonthotsi longle athor (Mineral resources) pulote koila, ingchin, jangthu, ser pen lahai det longri arlo kelong athor aphan asai padome thek tangsi det longri akhi-adat nangdopo ansi bangso nangplang nangphiji. Det longri amonit atum nangplang-nangphi ansi det-longri chingthur mate paprang dun thekji. Det-longri jongsi paprang dunji pulote bangso adet a monit atum thekser a bidi ingchoklong nangji. Monit atum akethek aphansi monit pen kelong athor mate (Human resources) pulo. Det-longri athor lapen abidi ketan a monit kedo-o adet ansi hako pen non akaita nangplang-nangphi lapen nang ingtang chot angthek ilitum kado-kaveta theklonglo. Lasi det-longri jongsi paprang nangji pulote ingnam, longle pen katiki athor plang-o nangji lapen bangso adet-alongri amonit atum abidi dosak nangji. Bonta det-longri athor plang-o pule bangso adet plang vekji puta kali. Det-longri athorle plang-o seta amonit atum abidi dosak sedet ajok adet amonit atum kiduk-kapaphi ajok adet ta paphihup lasonta do-o. Lason nangkacheplang ke lahai adet amonit atum abidi kadure ajok methang adet athor aphan asai kapado thekthe apot. Bonta abidi dosak akhei atum det arlo athor heihui do-an pen ason-son ahormu selam pen chojor-cholangsi det aphan chokam ale mate avarsai van pipik ajok nangplang-nangphi lo. Lasonsi det longri chingthur bom. Ejahak adet det athorle dure det seta a monit atum a bidi kangtang ajok det arlo kelong an athor penta chokam kapachingthur aphan asai pado pame ajok adet amonit atum chokam amo ingtangdun klongsi theklong. Lahai adet amonit atum methang adet arlo kelong-an athor le asai kapadochot kali bonta bang adet pen kaprek-kaprek ason vansi ajat-ajat ahormu semarsi det-longri aphan chokam pangchopi pen politic chot kali bonta military amota nang ingtangklongsi theklonglo. Pudet lote, det-longri kachingthur aphan det athor ta akenangsot tema bonseta akenangsot nei ason ke monit atum abidi ketan (Human resources) helo. Karbi Anglong paphi-olang lapen Karbi akhei phant (%) 70 athakke kiduk saide pen bang angno kachethan dunke lapen bang atum nangkethek longke manghuhak titi. Karbi Anglong alongri athor plangpik puke bang atumle kkipuchot kali bonta ilitum methang amatta theklong pen chini lo. Bonta Karbi akhei ongdung atum a bidi dosak kalidet mate abidi kedosak atum aphai kadure det ajok katikiji aphan longle minta nangne pen apham do-o setame katiki pen chepaplang thekthe, lapen longri athor kedo-anta thang asai pado thekthe ajok paphidunhup. Ilitum angbongta bidi ketan amonit aphai dure tikke kapaprang dunji aphan sungkrungji. Lasi monit aphan kapathek-kapare asai chepaduk pik nangjilang.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives