ADVERTISEMENT

This area is available for advertisement. Please contact for details.

Arnivang
Get Adobe Flash player

UPDS risim kache-o pen monsam vang vekji pu puthip un eh

Matijong niphai 14 arni UPDS atum risim che-o po pu kachepangdak pen govt. atum akemang det arlo jasemet pen Karbi Anglong angkang monsam kapadoji pu akemang along chun po pusi govt. atum aning chepathe lo, athe govt. pen monsam aphan akemang pen patirpi along ke kichun mate kepleng asonsi bangso arni ke angthek kekleng lo pu matha meme lo. Seta non ili bangso aphuthak ahokpet ke Karbi Anglong arlo monsam doji ave, lake govt. aphuthak si paklongji. Govt.-UPDS angbong lam chedon pen lamdon kachetok athe (Points) do an papleng paplengple ke govt. atum aphuthak. Govt. atum jongsi UPDS atum risim che-o po anke song chiprisi rat anglum dodun po pu govt. atum aning kethe karong chipi pen chepindak chot amat kapapleng aphan abang jongsi ardi pipe pulote Karbi Anglong mate longri arlo monsam aphan ning the un eh. Lason kedamtang aphurkimo angbong pen Assam Accord lapen ASDC a MoU alam pen ta thekdak lo. AASU mate Assam Accord along akethenai a Points angtan aso Bangladesh heihui aphan kiplung alam ta loh alongsi un chot seta ahokpet ko an plung ma ke ili rat ta thek prong. Lasonsi MoU aphan ta klem lo. Non lethot ta jongsi lamdon paplengple pulote isi a movement nang kechengji angring do. Laso a movement ke non kevangji KAATC kilik along puthot Congress chevangthujui lapen govt. keseng ta UPDS atum kachetoi asong atum kehaidun amonit atum pen chelangle pin (Coalition) pen govt. sengdet pulote chengvek po. Seta UPDS kachetoidun mate kachelang asong jongsi KAATC kilik pen KAATC along govt. seng undet lapen majority anghoi le longle seta Congress atum abang chelang ponthudet pulote ingsamjinji. Laso aphi UPDS lapen kachelang ajirpo atum majority anghoi hai un eh det lapen KAATC govt. keseng along chelang ponpedet pulote chiklo jon thom-pli an ke langjilang tahai. Laso aphi penta UPDS aphan eson bak atovar pipe pulote UPDS lapen kachelang asong PAPA atum pen ke movement chengvek po. Laso along ameh kebatdunji ke KPLT lo. Laso alam non penta keklangdak ke KPLT atum UPDS aphan govt. pen lamdon kachetok long aphuthak kardom pen dengdun lo (Welcome) lapen lamdon along kedo an prapjin pen kapaplengji aphan kachoningri do lapen ke lamdon an papleng et lote KPLT ta akeme akengkam kachejorji aphan mathaji pu lamthe chepaklang.     Non kethetan govt. pen kengdam kachejor nangji ke non govt. kacharibom asong Congress atum abang amethang asong aphan pu abang pathethera Karbi Anglong lapen Karbi arat akemang pu abang matha nangji. Laso along jongsi inghoi lapen song aphan matharong pulote monsam ke vang un eh. Govt. kachari atum kaprek risim ke ot asong aphan UPDS aphan ason hongklam along vanji pulote UPDS pen kachetok alam an palengji aphan klem nangji.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives