ADVERTISEMENT

This area is available for advertisement. Please contact for details.

Arnivang
Get Adobe Flash player

UPDS accord chunche tik vangve-Nilip Inghi

DIPHU: New Delhi along Phaikuni 25 arni Memorandum of Sattlement (MoS) kachetok ke mesen lo pusi  Karbi Longri Liberation Tiger (KPLT) a kongchunbang Nilip Inghi ladak birta nangpale. Alangli UPDS accord Sorkar atum implement thai nangji puta pachetak. KPLT asongjapo Inghi risim kangtang non amat ke-oji alam thangta avelang pu pherangke aphan lamvoi pi thu pen UPDS alamdon chunji ma chunchejima chonghong alang pusi ningje. MoS prapjin pen angthek thek long nang alang, la ansi KPLT asong pen hong kevangji aphan munthiji. KLPT asongjapo Inghi UPDS accord ka implement paprapjin nangji puta pherangke aphan birta nangkelo ahut ningje. Lamdon keplengple aphrang puthot Inglong pen thoi nangsunse pu Nilip ningje thupen UPDS atum MoS alamdon kachetok aphuthak kurvangthu kapajir alam pachetak. KPLT asongjapo Inghi laso alam kapachetak pen le munthi dam lote UPDS pen Matijong 14 arni risim kiti rap rap ji alam ke ave tanglo. UPDS atum lamdon chetokte aphrang kachethan atengke UPDS pen Sorkar angbong lamdon chetok lote KPLT atum UPDS along vangji pusi penang-an amonit atum pachetak. Bonta UPDS accord implement me tik risim ke oji alam ave pu KPLT asongjapo  Pherangke aphan kapatini dak aphi ke risim kangtang pen kachesong aphurkimo jutje lang puke tini dak lelo. KPLT alam le chethan damji pulote KPLT risim ke-ot asong pu amen kache ir cheng ke kedamtang Arkoi throk arni. KPLT laso aphrang ke KLNLF anti talk pusi amen chethang.KPLT atum soluk -sodak a monsam  kapado ajok penang-an amonit apran dam tanglo. Keton kelang asai kapangching ajok KPLT a dihin rimbang Ranam Ejang pen chenglok KPLT klembang lapen song pen kacherap kedo ajakri mate link man atum aphan keton kelang atum nep si hem kangsam alohi paman lo.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives