ADVERTISEMENT

This area is available for advertisement. Please contact for details.

Arnivang
Get Adobe Flash player

Russia along rat kithur aphuthak Putin pen US aphan akoi kipi

MOSCOW: Russia along kekham kheri 1angbong phurun hini an president anghoi along kangnitang abang Prime Minister Vladimir Putin pen puthot president kilik kithur dunji abang Russia angkang along suri armu pen sankur arat kekhamkhe armucheto kapado aphuthak US aphansi akoi kipi. Bhomti arni ta kekhamkhe armucheto padoji pusi chepatir atum ningje. Russia along sankur arat kithur pen Egypt, Libya ason man det tahai pusi thekkere atum ningje. Lapu prime minister Putin pen kekhamkhe aphuthak US si chepatir, kacho-artuk dun lapen tangka- maha pen kerap dun pu akoi kevan ahut US Secretary of State Hillary Rodham Clinton aphan sodak pen lam parju.
Clinton pen Russia kilik aphuthak “kether-kehap pen kejokvan kali”, pusi ningje. US is kekhamkhe atum aphan klemnon pu kapachini pusi Putin jongdam.
“Alanglitum laso (US ketoi) alam arju longlo lapen U.S. State Department akerap pensi klempro-klemjam lo,” pusi Theman arni Putin akoi kevan. Bhomkuru arni State Duma kilik aphan kapachobai pusi penang an Russia arat lapen US kejong.
Kilik along Putin keja pon United Russia kehai vote phant 50, seta bangjok pen kacherap-re kapangthek dun atum lapen opposition asongja atum ke laso angthek keklang ke ahok kali, kelong ko-an ma lapen phant 20 pakam det pusi ningje. Kapadusi Soviet President, Mikhail Gorbachev, Thelang arni lason kilik angthek ke che-enthu det nangji pusi pachini.
Lapu US pen Russia angbong kachememe det ameh along Russia along kilik alam pen kahuri aphuthak an sose ameh pathur lo. Nichi adet atum si Russia along kedo a NGO atum aphan tangka pen kidui dun along “dollar pharo million” kipi dun, athe ke ratchari lapen Russia along kilik aning hang alingsi kiviji aphan Putin akoi kevan.
“Lason ke cheplangple,” pusi There 2012 presdent kilik aphan mai do det aphi atoi atum aphan Putin pachini.
“Ilitum adet arlo alam along bang kaprek atum nangkachejok dun lapen ilitum det kangthim keedo longverji aphan cheroktok nangji,” pusi Putin pachini. Kaprek adet alam karju pen kahuri abang aphan adai ke-en pasodakji puta Putin ningje.
Bhomkuru arni kilik ahut vote kejok abakos along abitung-bitung pen vote chobai kethap akoi pen sankur arat suri armu pen tovarpi along var si kidin chepaklang. Suri thakthak aphan ke ingnang lo lapen Facebook along kapachetak aphijong bang 35,000 atum Kremlin, Moscow along Bhomti arni kacheto dunji aphan chechak.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives