ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong arat atum cherap-cheto dunde pulote akangting atovar nangkebin arni do-o e lo

Non malom penang an Diphu pen keklang abirta aloh thek longlok neli College loh charlibom abang setame political akethe-keding atum aphan choningri ingtungduk ason kachoningri lapu henlo. Ilitum Karbi Anglong along pen akimi political amahang kapathek aphuthak. Akimi a political amahang kapathek ke non nelitum aphan mate non a-ove kimi atum aphan tovar kemesenji kali. Lake bang kaprek akhei aphan tovar keme kethopi ason lo. Pusi nelijong-jung pen ke mathadam. Athe mo nelitum kesar apor ke Tripura ason nangman det te pisi mo nelitum ke kachoklem atovar kedo po. Non aningke political asong an ake-ong tondet ke puthot akimi a political asong keklangthuji puke non nelitum ove kimi aphan tovar keme kali. Non KAAC kacharibom Cong (I) atum aningke nelitum ovekimi apharthang avarsai nangthikpi thekthe. Ha bang parok aso atum aphansi sorkar ta chojor-et ke kopuson su non ilitum ove kimi atum ke kachingthur dun thek po?
    Lasi kado-kave Karbi Anglong arat aphan ta nelihin pen choningri-ik lo bang tangka poisa pen nang kebai aling ke nanglitum a vote chejor dun pangtar aret rinon. Nonhet UPDS, Central Govt. lapen ke Asom Govt. atum Peace Accord chetok tanglo. Lasi non kevangji a election ahut ke PAPA pen kachetoi dun a candidate aphanle cherap-cheto ra pahai-ik lonang. Lapen MoS along kachetok an setame ilitum Karbi Anglong aratsi ale longpo. Cherap-cheto dunde pulote non nelitum a-ove kimi atum aphan ke akangting atovar nangkebin lo. Pusonsi nelihin pen ke mathadam. Athe Cong (I) atum ke bang tangka poisa ke-ong atum aphansi sakorita chojor-et titi ke. Nelitum kiduk atum ke nat pen si tangka kepi-i longpo.

Karbi Anglong paklar lonang
Karbi akhei pachingthur nang.
Ove kimi atum aphan
tovar keme pado pon nang.

Raju Terang DGCS
Rongchingri

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives