ADVERTISEMENT

This area is available for advertisement. Please contact for details.

Arnivang
Get Adobe Flash player

Punjab along so-arlo thanbang aphan kardep

Chandigarh:  Shiromani1 Akali Dal meiphu (Sarpanch), Balwinder Singh Gidderbaha arong kedo, Punjab along inut so-arlo thanbang aphan ardep tet pusi EGS Teacher’s Union ningje.
     Muktasar rongsopi Bhomkuru arni  Daula along kapado MP kachetong dun amai alongsi laso alam kepho.
    Areng keso a bangphi Daula arong kedo  thanbang  EGS Teachers’ Union klembang lapen alangli  ta bang 40 EGS thanbang angbong pen kachetong dun a bangphi lo. Alanglitum Bathinda MP lapen Chief Minister amunpi Harsimrat Kaur Badal aphan Sangat Darshan amai along pinpur aloh kapajir dunji aphansi nang chetong dun .
    Teachers of the Education Guarantee Scheme (EGS), abitung atum alanglitum keklem bom voreng anghoi kepathir thipji aphansi kachesong asai deng bom. Lasi alanglitum kemang ason pachunji aphan MP pen kachetong dun ahutsi lapuson alam kepho long.
    Akali klembang atum kachetong dun thanbang abitung atum aphan mai adim pen kedamji aphan hukumkipi ajok thanbang pen Akali klembang angbong charvo dut lo. Setame kachetong dun thanbang atum arjap kluksi  MP aphan kachetongji aphan inghong kok lo. Laso ahut alanglitum songjapo  Jarnail Jalandhari aphan police saikhi atum areng ahu pasolo.
    Laso aphi Balwinder Singh,  Daula arong sarpanch mate a sarthe inut so-arlo thanbang Varinder Kaur aphan batai ke-ongpen akecheng ardep tettet detlo.
    Lapuson ahir kangtang alam keklang ajok man-peng kedo kachetong thanbang atum khamkhe armu chejeng lo. DSP lapen police saikhi atum lam pangsam aphan adim along humri dun lo. “Lasi police saikhi atum Deputy Chief Minister Sukhbir Singh Badal prapjin nini  angbong kachingvaji aphan mai pathik pipopusi chechak lo” pusi, EGS Teachers Union meiphu Pritpal Singh, ningje. Thanbang atum Balwinder aphan kenep kangnangji aphan lamhoi pale dam lo. Lasi police song hini aphan langchari padosi kangsaiji aphan pachini.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives