ADVERTISEMENT

This area is available for advertisement. Please contact for details.

Arnivang
Get Adobe Flash player

J Dey alam: Jigna Vora aphan Matijong 9 arni an kapakam

1 Mumbai:  Special court atum Matijong niphai  9 arni an  police arideng pherangke Jigna Vora, aphan crime pherangke Jyotirmoy Dey aphan apran karmut  aphuthak hemkangsam kedoji arni pakam thu lo.
    Sangpi Vora police arideng hodai det aphi  Dilip Shah alangliphan kapajok dunji asai keklem bangphu laso arui kopine alam akimi long thusi ketarlip aphan sai deng bom.
    Alangli kaningje thu ke Sangpi Vora laso ketarlip asai along cherap- cheto dunde pusi ningje.
    Sangpi Vora, Bureau of Asian Age Deputy Chief, aphan Maharashtra Control of Organised Crime Act (MCOCA) atum Rajan aphan motorcycle licence plate number  lapen kedo adim kethan aphuthak nep ingang lo.
    Jyotirmoy Dey, aphan MidDay along kelem bangphu, Vosik niphai 11 arni , underworld don Chhota Rajan amonit atumsi apran karmut. Rajan aphan Mumbai police atum kenep aloh along kenangsot ketok pado.
    Rajan pen anparata Rohee Thangappan Joseph menlar Satish Kalya, Abhijeet Shinde, Arun Dake, Sachin Gaikwad, Anil Waghmode, Nilesh Shendge, Mangesh Agawane, Vinod Asrani, Paulson Joseph lapen Deepak Sisodia atum ta Matijong niphai 3 arnilamkehoi along lakha pon. Kesunglor a bangphu atum aphan neplong lo. Police kaningje ke, Chhota Rajan  Dey  pen ketok hini alamjir aphuthak a ning kepung alam chethan athe laso alamjir along Rajan aphan pinrem pik lapen apran karmut nangji alam pachetak.Lapen sangpi Jigna Rajan aphan bangso alam pen ale cho-ensi  Dey aphan bidi langno pen apran armut detlo.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives