ADVERTISEMENT

This area is available for advertisement. Please contact for details.

Arnivang
Get Adobe Flash player

DGC along mek langno, no langno J. B Singha vang longle: DGCSUS lapen KSYC

Diphu: Matijong niphai 5 a1rni Diphu Government College Student Union Society (DGCSUS) lapen DGC Karbi Student & Youth Council aro pen Prof. Joy  Babu Singha kachoklem kechokche aphuthak DGC adonvari along kekhamkhe padolo. Prof. J. B Singha 2005 aningkan Phre 10 arni Education Tour mate loh kacharli a osomar aphan kapajui dam ahut inut Naga animsopi aphan cholangrem det lo. Bangso kacholangrem det aphuthak J.B Singha aphan DGC pen papadam (Suspended) jui lo. Setame puthot DGC along J. B Singha loh kethan aphan nang chelong thu dun lok. Lason si pennang-an arni ke vang bom si nangdo bom lo. Pining Aru a chiklo niphai 24 arni D. C Colony mate Govt. keron ahem along J. B Singha, arisangho lapen Nagapi atum pen mek langno, no langno asai choklem thu lilo. Bangso ahut areng angse saide si arat theng dun long poplo. Bonta rat nep dun longle det si kailongjui lo. Bangso aphuthak arat  Police aphan lam hoi dam ta pado. Setame J. B Singha kekanjui ajok nep ingnang longle det. La-an angbong ta puthot bangso Prof. J. B Singha Guwahati pen DGC along kethan thu longji aphan ahukum loh chevang thu. Laso alam chini si atumi Diphu Government College Student Union Society (DGCSUS) lapen KSYC, DGC  aro thurpak si kachesong mate kekhamkhe sai DGC adonvari along padolo. Bangso ahut bangphro pho sose loh kacharli dun a osomar cherap cheto si dothip lo. Halapu KSYC CEC ameiphu Francis Timung  lapen Sangkur Chunbang Rang Kr. Teron atum ja si bangso alam aputhak EM Roton Ingti aphan pinpur aloh pajir dam. J. B Singha aphan KAAC penke DGC along  loh pathan dun longle lo mate J. B Singha aphan kroi kre lo pusi EM Roton Ingti ahin pen KSYC CEC atum aphan than dun. Bangso J. B Singha aphan DGC along loh pathan dun longle pu EM Rotan Ingti kaningje apot KSYC kurvangthu pajir.
Jongsi mek langno, no langno J. B Singha aphan DGC along pavang long det mate DGC along chak dun det pulote DGCSUS kachesong  pathetanji. Anparata hot he pin pen kachesong padoji. Bangso ahut College asaikhe atum lapen loh kacharli a osomar do-an kacherap kacheto dunji aphan ta DGCSUS sangkur Chunbang  Darsing Engleng, rap Chunbang Gilbert Tokbi, Minor Game chunbang Waisong Bey  lapen Athelics chunbang Devingson Kro atum choningri pado.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives