ADVERTISEMENT

This area is available for advertisement. Please contact for details.

Arnivang
Get Adobe Flash player

President, PM atum Dev Anand aphan chekimo dun

NEW DELHI:
India meiphi Pra1tibha Patil, dun meiphu Hamid Ansari lapen Prime Minister Manmohan Singh atum Bollywood along kachethang klong lamarjan cheparjan bangphu Dev Anand, alangliphan inut apun kechok kethek lapen kangcho abangphu hok  lo lapen alangli  kai arjon lam arjan kabonda  lapen cheparjan a ning kedokthip abangphu arong kachevoi a birta long pen chekimo dun.
     Patil chekimo dun ahut ningduk pen kaningje ke  Anand chom arong kachedam ajok inut kethek parpik lapen kesar bom ahut seta ardi kedo abangphu kepaplang thek a bangphu kave ajoine lamarjan kabonda akor aphan kanahok thetan lo".
     Dev Anand kuti sose arat aphan lam arjan kelang a ningpangsam thek lapen alangliphan ning kedok a bangphu ke-ongke ove- a ove kachethangplup ning chehang lam arjan cheparjan thek abangphu ajok pusi Patil ningje thu
     "Anand ke nong nam kachethangplup lam arjan cheparjan bangphu, kasonse, kabonda lapen tokbang ajoine Hindi lam arjan akor aphan kangtui aman- peng lapen pirthe angkang along pachethang lo.
    "Dev  Anand aphan hako pen non ovekimi ahut anta lamarjan kelang arat atum Dev  kethek kilit angthek : Taxi Driver, Munimji, Guide, Johny Mera Naam, Hare Rama Hare Krishna lapen Des Pardes," lamarjan along klangdak lo pusi ningje.
    Dun meiphu Ansari kaningje ke India along kedo ove chuprekchu anta alangli cheparjan, kasonse lapen lamarjan kabonda thek aphuthak ning doverji.
    Anand, lamarjan kabonda aphan a ning hang parpik lapen matha  ver pusi  Ansari ningje.  Dev Anand kethekser lapen kachethang plup lamarjan cheparjan bangphu, aphan kachoro alam pajirmi si Prime Minister Singh kaningje ke alangli kai arjon lam arjan kasonse thek lapen cheparjan thek abangphu .chepaman lo"
    "Neli  million arat along ning isivet pen chekimo lo" pusi pachetak.
    I&B Minister Ambika Soni Anand aphan  kachoro ke alangli ahokpet kethek a bangphu lo lapen lam arjan a phurkimo along nong nam kachethangklong a bangphu lo pusi Soni ningje.
    "Alangli Bollywood along  sai keklem ningkan 50 pleng tang lo. Lasi Dev Anand kevangji akai along seta lam arjan pen ajok tengne- un e lo,"  pusi Soni ningje.
    Ratchari songja atum Maharashtra along India lamarjan cheparjan bangphu aphan chekimo dun lapen Mumbai rongsopi along pen inut kethek- kere a bangphu Mumbai arat aphan pamo tekang rui lo pusi CM ningje.

Leave a Reply

Your email address will not be published. Required fields are marked *

BREAKING NEWS
December 2011
M T W T F S S
    Jan »
 1234
567891011
12131415161718
19202122232425
262728293031  
Archives