ADVERTISEMENT

This area is available for advertisement. Please contact for details.

Arnivang
Get Adobe Flash player

Jharkhand along train kacheleng ahor Maoists kapangbop

Jh1arkhand:  Atumi Maoists atum nini  apharman  Bharat kangkir kecheng  Jharkhand along longri hini adak train kacheleng ahor along bomb pangbop dun. 
    Superintendent of Police Kuldip Diwedi kaningje ke Maoists klembang atum  IED a bomb pensi Gomia pen  Dumri railway station East Central Railway  Bokaro rongsopi along kedo train kacheleng ahor along kepangbop dunlong pusi ningje.
    Anparata arvi klempar asong atum atumi arni thot Latehar  along  rongsopi along Hehegara pen  Chhipadohar railway stations along ta pangbop dun pusi police ningje.
    Kangkir phaphe aprang alanglitum asongjapo  Kishanji aphan West Bengal along kedamtang achiklo apran karmut aphuthak si kangkir kepha.  Lapen bangso asong atum IED a bomb  , Latehar rongsopi kedo  Ladu More, Chatra Namdhari, MP  aphan kepangbop dunji aphan chesiklo .
    Namdhari, Latehar along kangni amai along nang kachetong dun ahut  bomb var dun lo seta alangli kopai keme ajok  police escort agari kahumri dun bon ajok jok chit lo.
    Police pen pen areng ahu keso a bangphu atum bang 11 aphai lakha long.
    Ningkan 8 kepleng pinso aso lapen bang 6 police adim along amat apran dam nang jui lo. Inut ke seh kelang ahem along ponbom ahutsi achethe chevung lo. Bang kethom areng ahu keso atum ke Medininagar hospital alongsi seh lang bom,pusi  Latehar Deputy Commissioner Rahul Purwar ningje.
    Apran kedam so pinso aso  IED a bomb kepangbop adungsi kedo dun ajok apran dam juilo.
    DGP G S Rath kaningje ke bang 2 sankur arat,  escort gari katevar bangphu, lapen bang 8 police saikhi atum apran dam nang juilo pusi ningje.
     Latehar Superintendent Police B D Sharma kaningje ke gari katevar bangphu police saikhi pusi pangthek.
    Bang hini  areng ahu keso ahir kangtang police saikhi atum Medininagar hospital pen  Ranchi an terek lo.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives