ADVERTISEMENT

This area is available for advertisement. Please contact for details.

Arnivang
Get Adobe Flash player

Pre-Christmas katalon

Diphu:ad United Christian Forum chepatirpi si hini apharman KASA kapathu aklam along Pre-Christmas katalon padolo. “Good News for all the People” Luke: 2. 10 athepi pensi Diphu arongsopi along Pre-Christmas alir alon pilo. Matijong niphai 2 arni porphai 2 apor pen nang pangchengsi niphai 3 arni an nangpajut lo. 
    Matijong niphai 2 arni a sonse niphai 3 arni ta porphai 2 apor pen sai angdeng pangchengsi Diphu Baptist Church Youth Deparment lapen United Christian Youth Foum arnam kardom pado.  UFC a Chairman Rev. Athang Sebu kangthum karne alamthe than. AG Church Karbi, MPC English lapen KCC Assamese   alamthe pen Scripture kapor-hi mate kelang dun. Bangso along Evangelical Baptist Convention, Manja Christian Forum lapen Rongali EBC atum lun cheto lun dunsi Pre-Christmas arong-aje, alir-alon pidunlo. Karbi Anglong Presbyterian Church lapen The First Christmas-Little Flower School Manja ta arnam alun paklang dun. Rev. Fr. John Timung pen Christmas abirta alamthe pidunlo. Pre-Chistmas along Mumbai pen nang kachetong dun Bollywood alunsepo Vijay Benedict, Pastor Brian, K.S Paul lapen arisangho atum Jesus aphuthak than lo. Bollywood alunsepo Vijay Benedict Pre-Christian along Jesus arnam alun lun si suri suri arat aphan parju. Anparata Jesus Kristo lun kan pensi Pre-Christmas katalon papajut lo.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives