ADVERTISEMENT

This area is available for advertisement. Please contact for details.

Arnivang
Get Adobe Flash player

Monsam apharman PM Manipur nang kisun

Imphal: Prime Minisadter Manmohon Singh atumi kaningje ke  Manipur  arat ajirkiding pen beha-bepar khamkhe asai kedeng aphuthak madu takehaikeremave lapen Nihang- Nirep kedo Naga akhei atum aphan  ‘supra state’ kipiji alamamat si ave pusi lam jai. "Ladak kehai atum ave . Kanahok kethetan ke sankur arat anchot," Dr Singh hini  national highway along beha ahin khamkhe alam pajirmi damsi Imphal  rat ameipi along  UPA meiphi Sonia Gandhi lapen kaprek central ministers atum chetong dun.
    Manipur adet along ajirkiding beha bepar asaikhamkhe pen sankur arat aphan ale kedo ason pajir longlo ma pusi arju lo. "Lason ke ajat ta pachun thekthe lo." Birta aloh along pen kachini atengke  Centre atum Nihang-Nirep kedo Naga akhei atum aphan ‘supra state’ puke tokjir pen pinpuraloh ta ave pin lang "lason aloh ke nelitum deng long lelang pusi lamklar pilo. Manipur pachingri lapen keraikomji  ke  union ateng lo kenangsot  alam pajirmi lo."
    Rat ameipi along kachetong dun arat atum Prime Minister Kaningjekeraikom alamaphuthak hur chodut lo athe  Manipur along ahoi keraikom alam pen sotet anpin ‘.  Manipur atum kachingthurasi kedeng thekji aphan kethir thip monsam kedo nangji ke kenangsot binong lo pusi  Dr Singh ningje "Kaprek kaprek pen hako pen kedo rapbom akorte -ingjir atum pen monsam pen kedo kethak lapen kacharvo chepa vedet nangji pusi than pare tekang lo"
    UPA meiphi lam kejai ke longri arlo hini NH along beha bepa asi khamkhe pado pen sankurarat atum penangkisung chechak nang lo lasi riso-ejangtum havar arlo monasnm kapadoji aphan kam cherap- cheto dunji aphan choningri lo .Central government pen seta  Manipur arat atum pen klem damji aphan sai deng bom lo, pusi sangpi  Gandhi ningje. "New Delhi ke Imphal pen heloving , bonta UPA government Prime Minister Singh anghoi along kesodak alamlo."
    Sangpi Gandhi kaningje ke lam kachethan pensi monsam pado thekji lapen kemang ason chunji. Lasi Prime Minister sankur arat atum ning isivet pen monsam kepathirthekji aphan choningri lo lapen Centre atum Manipur adet pangchingthur aphan ajat ason seta keklemji alam chechak lo. UPA government along Centre atum Manipur prtapjin pen pachingthurji aphan state government pen cherap- cheto bom lo, pusi Dr Singh ningje.
    Manipur along project asai keklem tang akor ahokpet pen kachari thek aphuthak kurvangthu pajir lo. lapen  autonomous district councils inglong aso atum aphan bangphu kilik ahutkeklemkedamkangthir aphuthak seta choro tekang lo anparata ningkang 20 aphi bangso jakong methang adimamonit atum si kachari chalon ajakong pilo. Manipur along kapathu ketheknai abangphu/phi atum aphan seta  , Dr Singh kethakaphuthak kurvangthu pajir lo.
    Sangpi Gandhi  state government aphan  Kuki klempar asong pen monsamapharman kachingkipon thek aphuthak seta chorolo lapen kachingki- chingvai pensi ajat ason ta pachun thekji alampachini. Manipur Chief Minister O Ibobi Singh central  asongja kerap chohang dunlo. Rat amaipi aprang, Singh pen Gandhi akimi assembly complex lapen City Convention Centre ingpu lo, laso aphi Manipur Film Development Corporation complex lapen Inter State Bus Terminus seta alanglitum arideng pen ingpu lo. Union Law minister Salman Khurshid lapen  Prime Minister saihem  Minister V Naryanswamy atum nang chetong dun.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives