ADVERTISEMENT

This area is available for advertisement. Please contact for details.

Arnivang
Get Adobe Flash player

Matijong kethom arni KAAC kilik a ‘Notification’ kapave pen UPDS 3 Round kehai

KAAC CEM, EM atum Diphu pe1n Dispur kedam chejengron

Diphu: Karbi Anglong Autonomous Council kilik dojima ave, doji pulote komentu lo, Notification keklangji,  KAAC along ‘Neutral Body’ dojima? lahai alam henlo non malom tovar-palat, hem-rit, hithi-kulat, kove ingtat kecho along anta kachethan nai alam. Bangphutin aning arlo kijui dong alam. Ning arlo amelur mep mep kar kar alam. Asom Sorkar pen Matijong 3 arni ta KAAC kilik aphan ‘notification’ kapaklangji alam do. Kenam koi a Bomb ‘notification’ keklangji arni kapangbop ji aphan isi, hini, kethom pu arni kalakha atum ta do. Governor J.B. Patnaik, notification a file ketokte ajok atumi keklangji a notification klangkle detlo. Congress pen kenamkoi a bomb pangbop longle ason si theklong. Sarpo achoi ason si mandet lo pusi rat anglum chethan rinti. Matijong kethom arni kilik a notification kapave pen UPDS atum  kethom adu mate 3 round kehailo pusi UPDS apinpomar atum ningje. Du kethom kehai alam ke kechengsi UPDS lamdon kachetok aphrang KAAC kilik pado longle, Lamdon chetok det aphi KAAC along ‘Neutral body’ pensi chari nangji lapen KAAC kilik alar Asom Hills Area Departnment alar State Election Commission pen KAAC kilik pado nangji pu henlo. KAAC kilik Station Election Commission pensi pado nangji pu alam Matijong isi arni UPDS adelung Asom Governor J.B. Patnaik pachini dam. Laso ajok  Matijong kethom arni kipiji a notification chinton kok lo. Halapu KAAC a CEM lapen EM atum atumi KAAC a kilik aphuthak Governor Patnaik pen chingki-chethan dam. Governor pen kilik alam kachepachoi dam ahut KAAC kilik kedoji angring ta Governor ahin pen pachetak. KAAC lapen Governor angbong kachingki kachethan pen atengke UPDS atum ta KAAC kilik kachepateji  aphan aning kehang kachepaklang do. KAAC kilik dode tik ke ‘neutral administration’ si UPDS asongja atum pado nangji pu alam Governor lam ardi piji ma pipe jima non nini nithom aphisi chiniji. 

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives