ADVERTISEMENT

This area is available for advertisement. Please contact for details.

Arnivang
Get Adobe Flash player

Football aning kidok arat aphan birta keme

Matijong niphai 5 arni MSF lapen Mohon Bagan Academy angbong football chepateji

Diphu: Longri arlo Football kapathu an sose kapachehungji aphan Morning Star Football anatthu pen bor-i si non kevangji Matijong 5 arni KASA pathu aklam along Morning Star Football pen  Kolkata, Mohan Bagan Academy angbong U-17 Friendly Football Match kapathu padoji. Bangso aphuthak atumi KASA patirpi atum pherangke amai pha lo. Pherangke amai along KASA Meiphu Mongal Sing Ingti, Dun Meiphu Dr. Sarsing Terang, Mon Sing Rongpi, Sankur Chubang Dhonsing Rongpi, Morning Star Football aterank Rap Chunbang Richard Tokbi lapen KASA klembangphu atum chetong dun. Arnikangsam 2 apor pensi KASA pathu aklam along bangso football friendly chepate padoji. Assam along pho adim Mohon Bagan aterank mate Assam along kedo Academy aterank pensi friendly football match chepateji. Mohon Bagan aterank kachepateji aterank ke Guwahati football Academy, MSF, Nagira Football Academy, Guwahati Town Football Academy lapen Kokrajhar pensi pathupo. Pini Mohon Bagan aterank kapathu bangphu atum Diphu nangle po lapen Jirsong Asong alongsi boha kapathik. Longri football aning kidok arat do-an aphan alir-alon kipi dunji aphan KASA choningri pado. Bangso kachepate along longri arat kacheto dunji pen alir alon kipiji aphan lapen bangso kachepate aphurkimo kibiji aphan choningri ousi KASA meiphu ningje.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives