ADVERTISEMENT

This area is available for advertisement. Please contact for details.

Arnivang
Get Adobe Flash player

Anti Dam khamkhe kichun

Guwahati: Dam kikim along kachedon dunde arat kachesong asai patumi bang suri sose arat atum truck pen kebom bom ahormu hortar  2000 MW Lower Subansiri hydro-electric project Lakhimpur rongsopi along kikim- kerangji aphan pathik tang kekhamkhe kemang chun lo. NHPC atum Lower Subansiri hydro-electric project  Assam-Arunachal Pradesh ahoi along  Gerukamukh arongsi pathiklo. Krishak Mukti Sangram Samiti (KMSS), klembang, Asom Jatiyatabadi Yuva Chatra Parishad (AJYCP), Takam Mising Porin Kabang (All Assam Students Union (Aasu) atum chingrum petsi national highway 52 Lakhimpur along jirlo porphai 2 malom pensi kecheng. Kachesong arat atum Lakhimpur rongsopi kekhamkhe paromplup ajoine administration atum hormu- hortar kepon a truck aphan pasang kok lo lapen law and order pasamji aphan si bangso asai kedeng.
Anti-dam khamkhe arat atum Sonitpur pen Lakhimpur rongsopi arlo khamkhe asai dengsi patumi raikom saikhi atum  sining angsong hile ke-ap pado lapen  lob teargas lo phunsi kachingrum arat aphan kethakji aphan bor-i lo. Lakhimpur Deputy Commissioner Anwaruddin Choudhury kaningje ke atumi kekhamkhe arat atum  Chief Minister Tarun Gogoi pen mai ingni det pen project kaselam aphan pangtonji aphan kemang pado pusi KMSS Sankur Chunbang  Akhil Gogoi ningje.

Leave a Reply

Your email address will not be published. Required fields are marked *

December 2011
M T W T F S S
    Jan »
 1234
567891011
12131415161718
19202122232425
262728293031  
Archives